Министерот за економија Ваљон Сарачини, заедно со заменик министерот за транспорт и врски Џелал Бајрами и градоначалникот Ружди Лата ги посетиа Дебарските Бањи Цапа. Цел на посетата беа новите инвестиции направени во текот на 2013 година од страна на Дебарските Бањи Цапа, каде гостите од блиску се запознаа со ново отворениот СПА и Велнес центар и ресторантот.

„Дебар е одличен пример на место каде природните ресурси се преточени во реален бизнис” потенцираше Сарачини додека заменик министерит Бајрами вети дека до крајот на годината целосно ќе се реконструктира патот Бошков Мост – Дебар, додека за наредната останува да се реши и приблемот со патната инфраструктура кон Албанската граница.